- carta de quitamiento de un concejo
- Hist. Privilegio por el que se concede a alguna persona la exención de algún tributo o tasa municipal.«Cómmo deue sseer ffecha la carta del quitamiento que vn conçeio ffaze a algunt omne de qualesquier cosas. Quitamientos ffazen muchas vezes los conçeios de cosas que pertenesçen a ssu común, ca de las que pertenesçen al rrey non lo pueden ffazer. E daquel quitamiento que ffazen pídenles carta, e el escriuano déuela assí ffazer: “Cómmo ssepan todos los que la carta vieren e oyeren, cómmo tal conçeio quita a ffulán omne de todas las cosas o de alguna ssenaladamiente, que los veçinos de aquel conçeio an de ffazer por rrazón de vençindat; e aquel quitamiento, que gelo ffazen por sseruiçio que les ffizo en guerra o en otro logar o les ffaze en ssu meester”. E deue y dezir ssil ffazen aquel quitamiento ffasta tienpo ssabudo o en toda ssu vida, o ssi lo ffazen a él e aquellos que dél desçendieren. E porque esto non veniesse en dubda, que mandaron al escriuano del conçeio quel diesse ende ssu carta» (Espéculo, 4.12.41).
Sublema de carta