- carta de guardar puertos
- Hist. Carta real que nombra el oficio de guarda de los puertos.«Mandan los rreys muchas vezes guardar puertos de mar por que non ssaquen cosas vedadas del rreyno o por que non vengan por ý nauíos de que veniesse danno a ssu ssennorío, e otrossí otros logares temerosos que sson en latierra por que puedan andar los omnes sseguros. E ssi aquellos que ande ffazer esta guarda la ffazen por presio ssabudo, deue y auer carta e el escriuano ála de ffazer en esta guisa: Cómmo ssepan los que la carta vieren e oyeren que tal rrey pone a ffulán omne que guarde atal puerto de mar o de tierra, ssegunt qual ffuere, que non dexe ssacar por y cosa vedada nin pasar por y nauío de que podiesse venir danno a la tierra. E otrossí el puerto de la tierra que la tenga guardado en guisa, que los omnes que por y pasaren vayan ssaluos e sseguros con todas ssus cosas ssi non ffueren vedadas del rrey, dando y aquellos derechos que dar deuieren. E por esta guarda que an a ffazer que da el rrey en presio tal auer o tal rrenta, e dándol el rrey aquello que con él pussiere, ssi por ssu culpa “o por ssu negligensia o por engano” de aquel guardador algún danno y veniere, que ssea tenudo de lo pechar» (Espéculo, 4.12.25).
Sublema de carta