carta de arzobispo

«Petiçiones ffazen los omnes con cartas del apostóligo o del arçobismo o del obispo para eglesias o para espitales o para ssacar catiuos o para otras cosas de merçed, e demandan al rrey cartas que les otorgue que pidan por ssus rregnos, e estas deuen sseer ffechas assí: “Cómmo ssepan que el rrey manda que tal obispo o tal abad o tal menistro o tal prior o otro qualquier pidió merçed al rrey, que mandasse que tal petición andudiesse por ssus rregnos; e él por ffazer bien e merçed a aquel que gela demanda o aquel lugar, que tiene por bien e manda que ande y e aquellos que dar y quissieren ssus alimosnas que las den, e que deffiende que ningunno non gelas enbargue nin gelas contralle, e qualquier que lo ffeziesse quel pessaríe e a él sse tornaríe por ello”» (Espéculo, 4.12.29). «En que manera deuen ser fechas las cartas que el rey manda dar por que anden las petiçiones por su tierra. Petiçiones fazen los onbres con cartas del apostoligo o del arçobispo o del obispo. O para ospitales o para sacar catiuos o para otras cosas de merçed demandan al rey cartas que les otorgue que pidan por sus reynos» (P 3, 18, 21).